يامحمد ماتزعلش
يامحمد ماتزعلش انا منك وانت منى
سلاحك ده ماينزلش ده اللى بيهينك يهنّى
امحى دموعك وألمك ..وخلى سلاحك معاك
دى مصر نورك وعلمك.. محتاجة لنور ضياك
انت اللى عبرت بينا وكان غيرك جبان
انت لوحدك سفينة ..حويانا من زمان
انت منا وفينا ...والقلب والامان
لو هانك اصله طينه ..متبرمج عقله خان
يامحمد ماتزعلش
قوم يالا وافرد دراعك لسه المشوار كبير
خلى عزيمتك مباحك دى مصر بتستجير
خدها فى حضنك وقلبك ..وامشى عدى بيها
وانسى وشاشى تحاربك..لو خانك انت ليها
دانا بكره هكون مكانك ..حارس ليها امين
وزمانى يكون زمانك ...واحرس بلدى سنين
يامحمد ماتزعلش
المصدر: الكاتب والشاعر سمير احمد القط
No comments:
Post a Comment